Në ndeshjen mes Albinoleffe dhe Mantova, portieri Andrea Pagno ishte protagonist i një gafe të bujshme që lejoi Mensah të dyfishonte epërsinë. Albinoleffe dhe Mantova gjenden të dy në një situatë të vështirë në renditje. Me vetëm 4 ndeshje të mbetura në sezon, ata janë përkatësisht të tretët dhe të katërtët nga fundi në Grupin A të Serie C.
Për këtë arsye, ndeshja mes dy skuadrave ishte thelbësore për të arritur shpëtimin. Për fatin e mirë të miqve dhe të keq të vendasve, ndeshjen nuk e vendosi një sulmues, por një portier. Në fakt, në minutën e 63', portieri i skuadrës bergamaske, Andrea Pagno bëri një gabim vërtet të pabesueshëm.
Lexo më tej: Video/ Goli fantazëm më i pabesueshëm i historisë: çfarë gafe e arbitrit në Kategorinë e Parë
Portieri duhet të rivinte topin në lojë dhe ndërsa mendonte si ta menaxhonte rivënien, preku gabimisht topin. Rregullorja thotë se nëse një portier prek topin në rivënie, atëherë ai duhet të presë që një shok tjetër ta prekë atë përpara se ta prekë përsëri. Në fakt, një shok skuadre kalon para tij por nuk e prek dhe në atë moment sulmuesi i Mantova Mensah përfitoi. Sulmuesi rrëmbeu topin duke shënuar 2-0 me portierin që e kishte nxjerrë veten jashtë loje me një veprim kaotik. Ndeshja përfundoi 2-0 dhe Mantova largohet nga pozicionet e fundit, duke lënë në ujëra të turbullta skuadrën bergamaske.
https://www.youtube.com/watch?v=2mtJ19Ha-Cc
