"Afër divorcit". Kështu e ka titulluar L'Equipe, dy ditë pas humbjes me Lyon, që mund të rrezikojë një kampionat që dukej në një vend të sigurt. Referenca është për të ardhmen e Lionel Messi te PSG. Kampioni i botës argjentinas, që edhe të dielën u fishkëllye me forcë nga tifozët në Parc des Princes të dielën, ende nuk e ka rinovuar kontratën. Tentativat e Al Khelaifi duket se po dështojnë dhe, pas një sezoni zhgënjyes, e ardhmja e Messi duket gjithmonë më larg Parisit.
Sipas asaj që raporton gazeta franceze, e vetmja mundësi që Pleshti dhe PSG të vazhdojnë së bashku është që argjentinasi të pranojë një ulje të ndjeshme të pagës së tij. Messi duhet të pranojë të marrë rreth 1/4-ën në krahasim me atë që percepton tani. Kjo do të vërtetonte tezën që citon një burim brenda klubit: "Mbi të gjitha në këndvështrimin e "fair play" financiar, por edhe për të pasur më shumë liri merkato, klubi duhet "të gjejë mënyra për të ulur barrën e pagave".
Lexo më tej: Barcelona del hapur, zëvendëspresidenti Yuste konfirmon: “Në kontakt me stafin e Messi”
'SPORT' KA TJETËR MENDIM
Një tezë, megjithatë, e shtypur nga Sport. Sipas tyre edhe nëse PSG ul shpenzimet, nuk do t'i kërkojë Messi uljen e pagës. Sipas gazetës katalanase, gjatë Kupës së Botës në Katar, babai i lojtarit dhe Al Khelaifi kanë gjetur një marrëveshje. Atë për të aktivizuar +1 në kontratën e sulmuesit. Kështu që kontrata do të zgjatet për një vit tjetër me të njëjtat kushte. E megjithatë, pesë muaj më pas rinovimi nuk është firmosur ende. Pse?
Problemi nuk do të ishin kërkesat ekonomike, por vullneti i lojtarit. Messi do të donte garanci për projektin sportiv të klubit dhe garanci për emrin e trajnerit të ardhshëm. Megjithatë, qofshin ato ekonomike apo sportive, problemet ekzistojnë. E fishkëllimat e tifozëve i përkeqësojnë dhe i theksojnë, ndërsa nga Barcelona vëzhgojnë dhe vazhdojnë të ëndërrojnë rikthimin e Pleshtit.
