"Kryeministri Edi Rama dhe ministrja e Bujqësisë dhe Zhvillimit Rural, Frida Krifca prezantuan sot në Tiranë, Portalin e Fermerit, një tjetër produkt i Revolucionit Digjital, që mundëson informacion në kohë reale mbi tregjet, çmimet, analizat ushqimore, skemat aktive të mbështetjes dhe instrumentet e financimit, kujdesin veterinar, ofertën e farmacive bujqësore, tipologjinë e grumbulluesve, mundësitë e tokave me qira, legjislacionin në fuqi e shumë informacione të tjera, duke iu bërë krah fermerit në jetën e tij të përditshme", thuhet në njoftimin për media.
Në 10 vite qeverisje ky është portali i radhës që krijon qeveria.
Nga viti 2013 e deri më sot janë krijuar disa portale, që më shumë sesa kanë dhënë zgjidhje për problemet, janë parë thjesht si një mundësi për të shpërndarë lekë për kompanitë që i krijojnë e në raste të tjera janë përdorur vetëm për të larguar vëmendjen nga problemet reale të qytetarëve.
