Pesë persona janë vrarë dhe të paktën gjashtë të tjerë janë plagosur nga të shtënat në një bankë në qytetin amerikan të Louisville, Kentucky, konfirmon policia.
Sipas mediave të huaja, policia thotë se sulmuesi i dyshuar është “neutralizuar” dhe është konfirmuar i vdekur në vendngjarje.
Dëshmitarët i thanë mediave amerikane se personi i armatosur hapi zjarr në dhomën e konferencave të bankës.
Kryetari i bashkisë së Louisville, Craig Greenberg ka ndarë përditësimet më të fundit të policisë në lidhje me të shtënat.
Policia, të cilës i janë bashkuar agjentët e FBI-së, konfirmoi se të shtënat kanë ndodhur në Bankën Kombëtare të Vjetër në qytetin më të madh të Kentakit.
Nuk ka ende asnjë informacion për gjashtë personat e plagosur, të cilët janë dërguar në spitalin e Universitetit të Louisville.
Guvernatori i Kentakit shkon në vendngjarje
Guvernatori Andy Beshear shkroi në Tëitter se po udhëtonte për në vendin e ngjarjes së rëndë.
Ai u bëri thirrje njerëzve që të “luten për të gjitha familjet e prekura dhe për qytetin e Louisville”.
Llogaria zyrtare e Departamentit të Policisë Metro të Louisville në Tëitter, ka konfirmuar se nuk ka më një “kërcënim aktiv agresor”.
Në Tëeet thuhet: “I dyshuari për të shtënat është neutralizuar”.
