Kohët e fundit, kufiri midis realitetit dhe trillimit është bërë më i paqartë për shkak të Inteligjencës Artificiale dhe përdorimit të saj në manipulimin e imazheve. Ndodh që fotot e papës me një Moncler të bardhë shumë elegant tejkalojnw imagjinatwn, ndodh që një foto e krijuar duke përdorur AI të fitojë një nga çmimet më autoritative të fotografisë në botë. Ndodhi në Sony World Photography Awards 2023, ku fotografi gjerman Boris Eldagsen fitoi çmimin në kategorinë "Kreative" me shkrepjen "Pseudomnesia: The Electrician". Fotografia, bardh e zi, riprodhon një stil karakteristik të viteve 1940, por nuk është një shkrepje e vërtetë, ajo është krijuar duke përdorur Inteligjencën Artificiale.
Portali online i "BBC" raporton se pasi u dekretuan fituesit, artisti gjerman falënderoi organizatën në blogun e tij që "e bëri këtë një moment historik", duke pyetur, megjithatë, nëse gjyqtarët e dinin se imazhi ishte krijuar nga 'AI dhe se për këtë arsye ai do ta kishte refuzuar çmimin, sepse arti i fotografisë dhe imazhet e krijuara nga AI nuk duhet të konkurrojnë në të njëjtën kategori.
Synimi i artistit do të ishte të krijonte një reflektim mbi imazhet, dhe pasi të refuzonte çmimin, organizata deklaroi: «Meqenëse ai tani ka vendosur të refuzojë çmimin e tij, ne kemi pezulluar aktivitetet tona me të dhe, në përputhje me dëshirat, e hoqëm nga konkursi”.
[Burimi i fotografisë: Instagram profifoto.de dhe boriseldagsen]
©LAPSI.AL
