Forca të shumta të Policisë së Sarandës në bashkëpunim me forcat operacionale të Vlorës, prej disa orësh po zhvillojnë kontrolle intensive në zona të ndryshme, për zbulimin e dy personave të zhdukur prej dy javësh, Leonard Thodhori e Fatmir Sulovari.
Bëhet me dije se kontrollet janë zhvilluar në zona të njësisë administrative Xarrë në Bashkinë Konispol, në një zonë midis Bashkisë Sarandë dhe asaj Himarë dhe në Qafë Gjashtë.
Mësohet se është ushtruar kontroll edhe në një automjet ndërkohë që një tjetër është sekuestruar nga Policia, por deri më tani nuk është gjetur asnjë gjurmë.
