Autostrada M1 në Londër u mbyll mëngjesin e sotëm pasi vëllai i një shqiptari që do të deportohej në Shqipëri kërcënoi se do të hidhej nga një mbikalim autostrade.
Policia angleze mbërriti herët në mëngjes në autostradë pasi morën raportime se një burrë do vriste veten duke u hedhur nga mbikalimi.
Incidenti ishte një protestë kundër deportimit të vëllait të tij i cili u kthye sot në Shqipëri në një fluturim në orën 7.45 të mëngjesit nga aeroporti i Birminghamit.
Falë ndërhyrjes së policisë, shqiptari hoqi dorë nga vendimi për t’u hedhur dhe tani ndodhet nën kujdesin e profesionistëve mjekësorë.
