Anna Wintour konfirmoi romancën e saj me Bill Nighy në Met Gala të hënën mbrëma. Ajo mbërriti në gala të modës me aktorin "Love Actually", pas muajsh spekulimesh për lidhje.
Çifti i ri, që të dy janë britanikë, për herë të parë filluan të përfliten dhjetorin e kaluar, kur u panë së bashku në një shfaqje në Nju Jork të filmit të nominuar për Oscar të Nighy, "Living". Miqtë e Wintour i thanë Post të hënën se janë "të emocionuar" që ikona e modës "më në fund" po bën debutimin e saj në tapetin e kuq me Nighy.
Ajo ishte e martuar me psikiatrin David Shaffer, me të cilin ka dy fëmijë, nga viti 1984 deri në 1999. Më pas filloi një romancë dhjetëvjeçare me investitorin Shelby Bryan, derisa u ndanë në vitin 2020. Ndërkohë, Nighy ishte në lidhje me aktoren angleze Diana Quick nga viti 1982 deri në vitin 2008. Që atëherë, ai nuk ka folur për jetën e tij personale.
Tema e Met Gala e këtij viti, "Karl Lagerfeld: Një linjë e bukurisë", e cila nderoi stilistin e ndjerë gjerman të modës, që ishte drejtori kreativ i Chanel deri në vdekjen e tij në 2019.Supermodelet, përfshirë Kate Moss, Gisele dhe Naomi Campbell, i bënë homazhe stilistit duke marrë pjesë në ngjarjen vjetore, të mbajtur në Muzeun Metropolitan të Artit të Nju Jorkut. Margot Robbie, Rami Malek dhe Sydney Sweeney gjithashtu dolën në këtë ngjarje. /Lapsi.al
