Kryeministri i Kosovës, Albin Kurti, ka deklaruar pasurinë e tij për vitin 2022 në Agjencinë Kundër Korrupsionit. Si pasuri të paluajtshme, i pari i qeverisë së Kosovës ka deklaruar banesën prej 67 metrash katrorë në vlerë prej 400 mijë eurosh, në emër të bashkëshortes.
Kreu i qeverisë në Prishtinë ka shënuar se ka para të gatshme në bankë në vlerë prej vetëm 119 euro. Bashkëshortja e tij ka të kursyera 10 mijë euro. Kryeministri gjithashtu ka deklaruar se bashkëshortja e tij ka një kredi prej 250 mijë eurosh me afat 24 vite e marrë për blerjen e banesës.
Nga të ardhurat vjetore, Kurti ka deklaruar se nga pozita e kryeministrit merr rreth 16 647 euro. Kurti ka shënuar se të ardhurat personale nga Lëvizja Vetëvendosje i janë ndërprerë nga momenti që e ka filluar detyrën si kryeministër i Kosovës. ©LAPSI.al
