Një 17-vjeçar është arrestuar nga policia e Korçës pasi ka plagosur me thikë dy bashkëmoshatarë gjatë një konflikti.
Ngjarja ndodhi rreth orës 17:40, në lagjen nr. 14 në Korçë, ku shtetasi J. G., 17 vjeç, sipas policisë, dyshohet se ka plagosur me thikë, shtetasit K. K. dhe M. I.
Dy të plagosur janë dërguar në spitalin e Korçës, ku ndodhen jashtë rrezikut për jetën.
Falë ndërhyrjes të shpejtë, shërbimet e Policisë bënë të mundur kapjen dhe shoqërimin në ambientet e Komisariatit të Policisë Korçë, të autorit të dyshuar të ngjarjes, shtetasit J. G., ndaj të cilit po kryhen veprimet e mëtejshme procedurale.
Grupi hetimor po punon për sqarimin e plotë të rrethanave të ngjarjes.
