Edhe miku i Fredi Belerit, Pandeli Kakoveshi u la në burg. Bashkë me kandidatin e koalicionit "Bashkë Fitojmë" për bashkinë e Himarës, Fredi Beleri ata u arrestuan për blerje votash. Gjyqi ndaj dy të akuzuarve u zhvillua me dyer të mbyllura, ndërsa mori pjesë dhe ambasadorja greke në Tiranë, Konstantina Kamitsi.
Avokati Ledjo Nuraj, në një prononcim për mediat, është shprehur se provat e mbledhura në lidhje me blerjen e votave nuk janë të mjaftueshme. Ai ka shtuar se masa e sigurisë për Kakoveshin është dhënë në kundërshtim me ligjin, pasi nuk është marrë në konsideratë gjendja e tij shëndetësore. Kujtojmë që Kakoveshi është i shtruar në QSUT për shkak të problemeve të tij me zemrën.
