Këtë të diel u hap procesi i votimit për zgjedhjet vendore, ku do të shpallen fituesit për 61 kryetarë bashkish dhe 1,603 anëtarë të këshillave bashkiakë në të gjithë vendin. Pavarësisht se qendrat e votimit janë hapur në orën 7:00, në disa KZAZ nuk ka nisur ende procesi i votimit. Pas problemeve të raportuara më herët për shkollën ‘Petro Nini Luarasi’, ku nuk punon pajisja e identifikimit, problematika të ngjashme janë hasur dhe në Elbasan, Shkodër dhe në disa qendra të Durrësit.
Po ashtu, probleme me pajisjen është raportuar dhe në Lezhë. Në KZAZ 12/nr 737 nuk ka filluar votimi. Ndërkohë e njëjta situatë paraqitet dhe në disa qendra të Fierit.
