Kryeministri Edi Rama ka publikuar një foto në rrjetet sociale të marrë në ambientet e Partisë Socialiste. Rama ka zbuluar një shtab të kësaj force politike që sipas tij bën të gjithë punën në prag dhe gjatë zgjedhjeve.
“Superskuadra që organizon sondazhet, studion shifrat, analizon trendet e pjesëmarrjes, ndjek të dhënat e terrenit në kohë reale dhe projekton rezultatet me përafërsi mbresëlënëse në bazë algoritmesh shkencore❤️” - shkruan Rama që më pas shigjeton opozitën.
“Ndërsa të tjerët paralajmërojnë fitoret duke parë filxhanin e dëshirave të tyre, që pastaj kur dalin rezultatet vazhdojnë ta lexojnë nëpër ekrane me dëshpërimin e avazit bajat të regjimit që u grabit fitoren imagjinare me kthetrat e krimit??♂️” – e mbyll Rama. ©LAPSI.al
