Ndonëse ka nisur votimi në të gjithë vendin që në mëngjes, nga Fieri denoncohet mungesa e komisionerëve të Partisë Demokratike. Denoncimi për këtë rast ka ardhur nga deputeti i Fierit Luan Baçi.
Po ashtu, edhe në qarkun e Gjirokastrës ka përfunduar shpërndarja e materialeve zgjedhore, përveçse në Dropull. Edhe këtu komisionerët e Partisë Demokratike me kryetar të komanduar Enkelejd Alibeajn nuk janë paraqitur në KZAZ për tërheqjen e këtyre materialeve. Materialet janë tërhequr në vetëm 7 qendra nga 37 qendra votimi për këtë bashki.
Sakaq, ende nuk ka një sqarim se përse nuk janë paraqitur komisionerët e PD-së së vulës në qendrat e votimit. Ndërkohë komisionerët e PS-së dhe koalicionit Berisha-Meta janë paraqitur.
