Kavaja është duke numëruar kutitë e fundit, por teksa duket se kandidati i koalicionit "Bashkë Fitojmë", Fisnik Qosja, po shkon drejt zyrtarizmit të fitores. Kandidati i PS Redjan Krali, ka pranuar humbjen dhe është larguar nga ambientet e KZAZ-së.
Para se të dilte ai ka takuar personalisht kundërshtarin e tij dhe e ka përgëzuar për fitoren. Krali është filmuar të takohet edhe me deputetin Ervin Salianji teksa largohej.
Krali është përshëndetur edhe me simpatizantë të tij që qëndronin afër ambienteve ku po numërohen votat.
Siç shihet edhe nga këto pamje, disa prej simpatizantve të kryebashkiakut të PS, e kanë përcjellë këtë të fundit duke qarë.
