Khloe Kardashian ka zbuluar së fundmi të vërtetën në lidhje me statusin e marrëdhënies mes saj me Tristan Thompson.
Fansat rindërtuan spekulimet e tyre se Khloe dhe Tristan ishin rikthyer së bashku pasi familja e Khloe - përfshirë nënën e saj, Kris Jenner, motrën Kim Kardashian dhe mbesën North West u panë duke mbështetur publikisht atletin në Los Angeles.
Khloe iu përgjigj drejtpërdrejt një komenti që spekulonte se ajo dhe Tristan kanë rindezur romancën e tyre, duke shkruar: "Ndaloni këtë rrëfim. Është e lodhshme. Por supozoj se ju djema do të vazhdoni narrativën që dëshironi, pavarësisht se çfarë them unë, kështu që ç'kuptim ka."
Duke i quajtur spekulimet e vazhdueshme "rraskapitëse", Khloe shtoi, "Disa gjëra janë po aq të thjeshta sa duken. Një anëtar i familjes që mbështet një anëtar tjetër të familjes gjatë një periudhe të vështirë në jetë." Kardashian dha shembullin se si më parë ka mbështetur ish-in e Kourtney Kardashian, Scott Disick, pavarësisht se Kourtney dhe Scott i dhanë fund lidhjes së tyre vite më parë. “Disa gjëra janë vërtet ashtu siç janë”, përfundoi ajo përgjigjen e saj.
Khloe dhe Tristan u ndanë në dhjetor 2021 pasi u publikuan lajmet se ai kishte një fëmijë me një grua tjetër ndërsa dyshja ishin të fejuar. Ish cifti kanë një vajzë 5-vjeçare True dhe një djalë 9-muajsh, emrin e të cilit nuk e kanë zbuluar ende./Lapsi.al
