Koalicionin “Bashkë Fitojmë” ka depozituar në KAS ankimim në lidhje me rezultatin e zgjedhjet lokale 2023 për bashkinë e Belshit.
Koalicioni, në kërkesën e tij, ka kërkuar që të përsëritet procesi i numërimit në të gjithë Qendrat e Votimit të kësaj bashkie. “Në përfundim Komisioneri Shtetëror i Zgjedhjeve shpalli kandidatin fitues, z. Arif Tafani me një diferencë prej vetëm 40 vota. Por nga të dhënat në tabelën e rezultatit rezulton se diferenca ndërmjet kandidatëve është disa fish me e vogël se numri i votave të pavlefshme në këtë njësi i cili është 229 vota.
Jemi të bindur, bazuar në prova dhe fakte të pakundërshtueshme, se periudha para dhe zgjedhore u shoqërua me shkelje të ligjit, të cilat cënuan rëndë procesin zgjedhor në një masë të tillë që ndikoi drejtpërdrejtë në ndarjen e mandatit”, thuhet në ankimim.
