Natalia Bryant, vajza e madhe e Kobe Bryant, ka nisur punën për Beyonce. Natalia, do shoqërojë këngëtaren e njohur amerikane në turneun e saj botëror.
Sipas medias ‘Access’, Natalia Bryant, e cila studion në Universitetin e Kalifornisë Jugore, po bën një praktikë në Parkwood Entertainment. Parkwood është kompania diskografike dhe kompania e menaxhimit që Beyonce, gruaja e Jay-Z , themeloi në vitin 2010.
Natalia Bryant is interning for Beyoncé this summer? ?? pic.twitter.com/I8DbznmMd2
— Zara Rahim (@ZaraRahim) May 17, 2023
Kjo nuk është hera e parë që ata punojnë së bashku, pasi ajo ishte pjesë e videos së fushatës Adidas Ivy Park në nëntor 2021.
“Jam shumë e emocionuar që jam pjesë e fushatës së re të Ivy Park !!!! Të dua shumë Auntie BB!!!”, tha Natalia në atë kohë.
Edhe pse për disa përdorues të mediave sociale, puna e re e Natalias është një tjetër shenjë nepotizmi në industri, të tjerë nuk kanë reshtur së mbështeturi studenten e re me postime dhe foto inkurajuese në internet.
