Një shpërthim eksplozivi është raportuar para pak çastesh në kryeqytet. Mësohet se ngjarja ka ndodhur në një fasoneri në pronësi të një shtetasi italian në zonën e Freskut. Nga shpërthimi është dëmtuar dera e jashtme e hekurit, një makinë e parkuar aty pranë si edhe janë thyer disa xhama. Policia ndodhet në vendin e ngjarjes.
Informacion paraprak i policisë
Më datë 25.05.2023, rreth orës 21:50, në rrugën “Fadil Deliu”, në portën e jashtme të një fasonerie në pronësi të shtetasit Italian R. B , dyshohet se ka shpërthyer një sasi e vogël lëndë plasëse.
Si pasojë është dëmtuar dera e jashme e hekurit, thyer disa xhama dhe një automjet që ka qënë i parkuar. Nuk ka persona të dëmtuar. Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit/eve.
