Një qytetar, që akuzohet se kërcënoi kryeministrin Edi Rama, u gjet fajtor nga gjykata e Tiranës. Ivzi Hoxha, 62 vjeç u dënua me një vit burgim për veprën e kanosjes për shkak të detyrës. Për shkak të gjykimit të shkurtuar, dënimi ndaj Hoxhës ulet me një të tretën dhe në përfundim, i dyshuari duhet të vuajë tetë muaj heqje lirie.
Hoxha tha se ishte i stresuar për konfliktet e pronësisë me bashkinë që do të ndërtonte pallate në tokën e tij për të dëmtuarit nga tërmeti. Në një transmetim live, Ivzi Hoxha është shprehur me fjalë kërcënuese, duke treguar revoltë për prishjen e banesës në zonën e "5 Majit", për një projekt të ndërtimit të banesave sociale.
