Senati i Akademisë së Studimeve Albanologjike ka dalë me një deklaratë ku përgënjeshtron deklaratat e Ministres së Arsimit, Evis Kushi, sipas së cilës akademia është në shkelje të ligjit dhe se një pjesë e studiuesve aty janë dakort.
Në deklaratën e senatit thuhet se “vendimi është krejtësisht politik që godet shkencën e albanologjisë në Shqipëri”.
Sipas Akademisë së Studimeve Albanologjike vendimi “është hartuar pa konsultime dhe pa transparencë. Akademia e Studimeve Albanologjike do të vazhdojë misionin e saj për mbrojtjen e lirisë akademike duke përdorur të gjithë instrumentet ligjore të një shteti demokratik”.
Institucioni që u mbyll me vendim qeverie ka tetë vjet që funksionon, ndërsa shkeljet ligjore u zbuluan papritur nga një grup pune që nisi aty Evis Kushi.
Në realitet, Kushi është një vegël e Ramës që ka marrë urdhër për mbylljen e akademisë. Kreu i Akademisë së Shkencave, Skënder Gjinushi ka rrëfyer se ka rënë dakort me Edi Ramën që studiusit do të kalojnë në varësi të tij, për realizimin e tre projekteve të mëdha.
