Ish-kandidati i koalicionit “Bashkë Fitojmë” për Bashkinë e Kamzës, Arjan Hoxha, është shprehur se humbja e tij në këtë bashki erdhi si pasojë e makinerisë elektronike të votimit.
Komentet Hoxha i bëri gjatë një interviste në Panorama TV, ku tha se për qytetarët votonte administrata dhe operatorët dhe sipas tij, një person me një kartë identiteti mund të votonte në 10 qendra të ndryshme.
Ai shtoi se KQZ nuk i ka vendosur në dispozicion opozitës pamje të qarta, që vërtetojnë vjedhjen e votës.
“Rezultati nuk ishte i pritshëm, pasi të gjitha sondazhet si të majta dhe të pavarura tregonin epërsinë tonë. Ky rezultat është i paparashikueshëm edhe nga kundërshtari politik. Absolutisht nuk e perceptonte njeri që të përmbysen 21 mijë vota në një afat kohor prej një viti e gjysmë. Nga 70 % që ishte PD ndodhi e kundërta që 70 % shkoi PS. Ne nuk parashikuam makinerinë kriminale të votës.
