Policia e Riminit në Itali thotë se ka arrestuar një nga autorët e masakrës së Velipojës të ndodhur në qershor të 2021. Aty mbetën të vrarë 4 persona ndërsa 2 të tjerë u plagosën. Media italiane shkruan se ka kryer urdhërarrestin ndaj shtetasit A.G. I riu, me banim në provincën e Rimini, u gjurmua nga policia italiane. Edhe pse kanë bërë me dije lajmin për prangosjen e tij, mediat italiane janë rezervuar në publikimin e emrit të tij.
Deri më tani dihet nga policia shqiptare se të shpallurit në kërkim për ngjarjen janë: Abedin Ferracaku, Shyqyri Ferracaku dhe Besar Ferracaku, të cilët mendohen të kenë qenë të pranishëm gjatë gjithë kohës në ngjarje.
