Një zemër e thyer në Instagram dhe dedikimi “Lamtumirë President”. Është kjo përshëndetja e Karima el Marhroug për Silvio Berlusconin, e njohur më mirë si “Ruby Rubacuori” (Rubi zemër-rrëmbyesja).
Vajza me origjinë marokene përfundoi në faqet e para të gazetave në të gjithë botën në vitin 2010 kur u arrestua për vjedhje dhe doli se, ende e mitur, frekuentonte Berlusconin duke marrë dhurata dhe para.
Berlusconi, kryeministër në atë kohë, i telefonoi komisariatit të policisë duke pretenduar se e reja ishte mbesa e presidentit të atëhershëm egjiptian Hosni Mubarak. Në atë moment vajza iu besua këshilltares rajonale Nicole Minetti. Zyra e prokurorit publik në Milano e akuzoi Berluskonin për krimin e zhvatjes dhe prostitucionit me fëmijë.
Më 24 qershor 2013, Berlusconi u dënua në shkallën e parë me 7 vjet burgim për zhvatje, detyrim, ndihmë dhe nxitje të prostitucionit të fëmijëve. Por me vendimin e apelit të datës 18 korrik 2014, ai u shpall i pafajshëm.
Shfajësimi përfundimtar erdhi më 10 mars 2015 me një vendim të Gjykatës së Kasacionit. Më 15 shkurt 2023 Berlusconi u lirua nga akuzat për korrupsion me dokumentet gjyqësore në gjyqin "Ruby ter" sepse fakti nuk ekzistonte. ©LAPSI.al
