Pak pasi Lapsi.al raportoi për heshtjen e turpshme të Edi Ramës për rrëmbimin e 3 policëve të Kosovës në veri nga forcat speciale serbe, ka reaguar kryeministri i Shqipërisë. Përmes një postimi në Twitter, Rama bën me dije se nuk po heshtin, por po presin reagimin e KFOR-it, i cili po heton rastin.
Rama: Kush thotë se po heshtim apo kush kërkon t’i hedhim benzinë zjarrit duke ngritur akuza ndërkohë që KFOR-i po investigon rastin, nuk do t’ia dijë as për Kosovën e as për Shqipërinë, po vetëm për luftën e stërhumbur politike me mua apo për politikën e luftës imagjinare me Serbinë.
Prandaj më duhet edhe njëherë t’u kujtoj se Shqipëria është pjesë e bashkësisë euroatlantike dhe ka fiks të njëjtën linjë të kësaj bashkësie, e cila bombardoi Serbinë dhe krijoi shtetin e Kosovës! Ne presim fjalën e KFOR-it që po heton rastin dhe i qëndrojmë de-eskalimit imediat!
