Kim Kardashian pranoi se ish-bashkëshorti Kanye West mund të ketë pasur "të drejtë" pasi asaj iu desh të hiqte një video që vajza e tyre North West postoi në TikTok.
“Sapo i pashë fjalët, thashë: “Oh jo, ne po e heqim këtë”, shpjegoi Kardashian, për revistën Time. “Pashë në internet njerëzit që thonin, ‘Kanye West kishte të drejtë’ dhe ndoshta ai kishte në atë rast. Në videon e fshirë që atëherë, North ishte veshur si reperi Ice Spice – duke përfshirë edhe flokët e kuq kaçurrelë të artistes – teksa këndonte këngën e saj hit “Boy’s a liar, Pt 2”.
Fansat menjëherë vunë në dukje se si disa nga tekstet e këngës përfshinin përshkrime grafike të marrëdhënieve intime. Në përgjigje të reagimit të ashpër, Kardashian pranoi për revistën se nganjëherë prindërimi është "provë dhe gabim". Dhe pavarësisht teksteve sugjeruese, Kardashian nuk beson se vajza e saj duhet të ndalohet plotësisht nga aplikacioni. “Ajo i pëlqen të bëjë video slime dhe të bëjë tutorialet e saj të vogla për flokët, dhe unë do të luftoj që ajo të jetë kreative”, tha ajo për Time.
Ish-çifti, i cili gjithashtu ka djalin Saint, 7, vajzën Chicago, 5, dhe djalin Psalm, 4 vjeç, kanë kundërshtuar publikisht pikëpamjet e tyre të ndryshme prindërore shumë herë në të kaluarën. Në shkurt 2022, Kanye shkoi në platformën e tij të mediave sociale për të kritikuar Kim për lejimin e vajzës së tyre në TikTok pa lejen e tij. “Më thoni çfarë duhet të bëjë që vajza ime të mos jetë në Tiktok?", shkroi reperi në Instagram. Themeluesja e Skims iu kundërpërgjigj ishit të saj, duke shkruar përmes Instagramit: “Sulmet e vazhdueshme të Kanye ndaj meje në intervista dhe në mediat sociale janë në fakt më të dëmshme se çdo TikTok që North mund të krijojë”./Lapsi.al
