Një 43-vjeçare, e shpallur në kërkim për mashtrim, është vënë në prangat e policisë së Krujës. Blutë njoftojnë se është bërë i mundur ndalimi i Elena Muhaxhirit 43 vjeçe, banuese në Fushë Krujë. Muhaxhiri mashtronte qytetarë të shumtë duke pretenduar se parashikonte të ardhmen.
Gjykata e Apelit e Juridiksionit të Përgjithshëm Tiranë e ka dënuar këtë shtetase, me 2 vjet burgim, për veprën penale “Mashtrimi”, pasi ka përfituar para dhe sende me vlerë nga shtetas të ndryshëm. Materialet i kaluan Prokurorisë, për veprime të mëtejshme.
