Studentët e mjekësisë kanë marshuar drejt Ministrisë së Arsimit dhe Sportit, teksa po zhvillojnë sot protestën e tyre kundër planit të qeverisë për kushtëzimin e diplomave të tyre.
Sipas tyre, ata janë të bashkuar në protestë dhe nuk ka tentativa për t’i përçarë. Studentët deklaruan se kanë biseduar me ministrinë, por nuk kanë arritur në asnjë konkluzion, ndaj janë në nivelet e protestave.
Qeveria ka propozuar për një kontratë punë tre vjeçare në Shqipëri, ose të paguajnë një tarifë prej 5 mijë eurosh dhe më pas të marrin diplomën.
