Grupi mercenar Wagner është nisur drejt Moskës me një autokolonë, që po has në pengesë nga helikopterët rusë. Ata po mundohen të pengojnë përparimin e mëtejshëm të trupave drejt kryeqytetit.
Yevgeny Prigozhin ka ngritur alarmin se trupat e tij po sulmohen nga ajri teksa avancojnë për të marrë më shumë territor. Autokolona e Wagner sipas asaj që shkruajnë mediat ndërkombëtare është nisur nga Voronezhi për të mbërritur drejt kryqytetit rus. Si pasojë e situatës së tensionuar shumica e qytetarëve në kryeqytetin rus janë paralajmëruar që të qëndrojnë në shtëpi dhe të evitojnë daljet nga shtëpitë.
