Cardi B po i kundërpërgjigjet thashethemeve se ajo ka tradhtur burrin e saj, Offset. Reperja iu përgjigj komenteve tashmë të fshira, të postuara nga vetë Offset në mediat sociale, ku aludonte se Cardi kishte shkuar me një burrë tjetër.
Cardi reagoi në Twitter Spaces, duke e filluar përgjigjen e saj duke cituar disa fragmente nga “I Should Have Cheated” të Keyshia Cole.
“Para së gjithash, më lejoni të them, nuk mund të më akuzoni për të gjitha gjërat që dini për të cilat jeni fajtore”, tha Cardi. “Këndojeni me mua, ju të gjithë! Dhe e shoh që është e lehtë për ju të fajësoni mua për gjithçka. Po, zemër!”
Reperja e “I Like It” me sa duket po i referohej një postimi që pretendohej se Offset kshte shpërndarë në Instagram, në të cilin ai shprehej se ajo kishte bërë seks me një burrë tjetër pas shpinës së tij. Postimi është fshirë që atëherë dhe nuk dihet me siguri nëse në të vërtetë ishte Offset ai që e postoi.
Sipas Cardi-t, do të ishte e pamundur që ajo ta mashtronte Offset-in dhe të shpëtonte nga kjo, sepse ajo është e famshme.
Edhe Offset u përball me akuza për pabesi vitin e kaluar dhe spekulimet u përhapën në atë kohë se ai kishte pasur një lidhje me Saweetie.
Megjithatë, dyshja e përballoi atë stuhi dhe Cardi deklaroi publikisht se nuk donte t’i trajtonte përsëri akuzat dhe thashethemet.
Dyshja u martuan fshehurazi në vitin 2017 pas një romance të stuhishme. Megjithë uljet dhe ngritjet e tyre ata kanë mbajtur një marrëdhënie të fortë. Ata kanë gjithashtu dy fëmijë, vajzën Culture, 4 dhe djalin Wave, 2 vjeç. Offset është gjithashtu babai i Jordanit, 13 vjeç, si dhe Kalea dhe Kody, të dy 8 vjeç, nga marrëdhëniet e mëparshme.
