Në mediat në Kosovë është shpërndarë lajmi se djali i Aleksandër Vuçiç, Danilo Vuçiç është ndaluar nga Policia e Kosovës.
Arsyeja thuhet se ai është parë me një mbishkrim nacionalist serb në bluzën e tij, ku shkruhej se “dorëzimi nuk është opsion”. Sipas raportimeve, atij i është kërkuar të largojë bluzën e cila mbante mbishkrime anti-Kosovë.
Lajmi nuk është konfirmuar ende zyrtarisht , megjithatë një video qarkullon në mediat e Kosovës ku pretendohet se është ndaluar makina me të cilën po udhëtonte Danilo Vuçiç.
Ndërkohë e konfirmuar është se djali i Presidentit serb ka qenë ditën e sotme në Graçanicë të Kosovës.
(Presidenti serb, Aleksandër Vuçiç me djalin e tij, Danilo)
Arsyeja e vizitës ishte marrja pjesë në festën e Vidvodanit, që këtë vit u mbajt në qytetin me shumicë serbe pranë Prishtinës.
(Pamje nga festa e serbëve sot në Graçanicë, ku mori pjesë Danilo Vuçiç)
Që në mëngjes, serbët e Kosovës filluan të mblidhen Graçanicë pranë Manastirit “Virgjëresha e Shenjtë”. Ky qytet u zgjodh si qendra për të festuar “Vidovdanin”, ashtu siç njihet dita përkujtimore e Betejës së Kosovës e vitit 1389. ©LAPSI.AL
