Reperi Travis Scott nuk do të përballet me akuza penale për një përplasje vdekjeprurëse të turmës gjatë koncertit të tij, ka vendosur një juri e madhe në Teksas.
Scott, 32 vjeç, po performonte në festivalin muzikor Astroworld në Houston, Teksas, në vitin 2021, kur 10 njerëz u vranë në një përplasje të turmës.
Avokati i tij, Kent Schaffer, konfirmoi se një juri e madhe kishte vendosur të mos e padisë reperin për asnjë akuzë penale që rrjedh nga ngjarja.
“Ai kurrë nuk i inkurajoi njerëzit të bëjnë diçka që rezultoi në lëndimin e njerëzve të tjerë,” tha Schaffer, duke shtuar se vendimi është “një lehtësim i madh”.
Policia dhe zyrtarët federalë kanë hetuar nëse Scott, promotori i koncerteve Live Nation dhe të tjerë kishin masa të mjaftueshme sigurie.
Schaffer tha se ndjen keqardhje për ata që u vranë në festival dhe familjet e tyre.
“Por Travis nuk është përgjegjës,” tha ai. “Ngritja e kallëzimit penal kundër tij nuk do t’ua lehtësojë dhimbjen”.
