Franca nuk gjen qetësi pas vrasjes se një 17-vjeçari nga policia. Gjithë vendi ka shpërthyer në protesta dhe trazira. Raportohet se 30% e të arrestuarve në incidentet e djeshme ishin të moshës 14 deri në 17 vjeç.
Përplasjet kanë sjellë shtyrjen e një vizite zyrtare që presidenti Emmanuel Macron kishte planifikuar në Gjermani. Ndërkohë qeveria franceze ka ndërmarrë me një sërë masash represive në përpjekje për t’u dhënë fund incidenteve. Ministri francez i Drejtësisë, Erin Dupont Moretti, ka paralajmëruar prindërit e të miturve që marrin pjesë në protestë se ata do të dënohen me 2 vite burg dhe 30 mijë euro gjobë nëse fëmijët e tyre arrestohen gjatë incidenteve.
