Studentët e Mjekësisë, apo gjimnazistët që kishin planifikuar të vazhdonin këtë vit studimet për mjekësi, kanë dalë sot në protestë, pas vendimit të pritshëm të qeverisë që i detyron ata që të qëndrojnë 5 vite në Shqipëri, për të ushtruar profesionin e tyre.
Studentët po marshojnë nga rektorati i Universitetit të Mjekësisë në drejtim të Kuvendit, ku deputetët janë në seancë plenare, me thirrjen “bluzat tona janë të bardha, jo të kuqe, blu apo lejla”.
Studentët shprehen se do të bëjnë gjithçka që projektligji të mos kalojë në parlament, ku nga ana tjetër u vendos që të kalohet brenda këtij muaji.
