Shtyhet sërish seanca gjyqësore ndaj ish-ministrit Fatmir Mediu për çështjen e Gërdecit. Raportohet se shkak për shtyrjen e seancës që do të mbahej sot janë prokurat për viktimat e tragjedisë. Seanca e radhës është caktuar që të mbahet me 18 Korrik në orën 14:00.
Avokati i disa prej të dërmuarve, Dorjan Matlija tha për mediat se iu është kërkuar që të sjellin prokura të reja. “Ky proces ka qenë i vonuar, dhe të paktën tani ka ecur. Dhe nuk dua që të bëhemi ne pengesë. Unë solla disa prokura, do të shohim, do t’i bëjmë gati për herën tjetër.”, tha ai.
