Në fshatin Međuluzhje afër Mlladenovcit në Serbi, dje rreth orës 13:00 ka ndodhur një tragjedi në familje, ku një 14-vjeçar ka vrarë me pushkë gjuetie vëllanë e tij më të vogël.
Djemtë ndodheshin në shtëpi me gjyshen e tyre, ndërsa prindërit e tyre ishin në punë. Ata po luanin në oborr dhe më pas u grindën se cili nga të dy do të hynte i pari në pishinë për të notuar. Vëllai i madh ka hyrë në shtëpi dhe ka marrë një pushkë gjuetie.
Ai vrapoi jashtë, i drejtoi pushkën vëllait të tij dhe e qëlloi. Pas njoftimit të policisë, minoreni u dërgua në paraburgim. Policia ndaloi edhe gjyshen e djemve me dyshimin se e mbante pushkën e gjuetisë pa leje.
Këto raste kanë filluar të ndodhin shumë shpesh në Serbi, pasi kohë me parë ndodhën dy vrasje masive nga të cilat mbetën të vdekur dhjetëra persona.
