“Kjo është një fyerje për të gjithë klubin”. Ky është thelbi i disa mesazheve që, sipas raportimeve nga Rmc Sport në Francë, gjashtë lojtarë të Paris Saint Germain i kanë dërguar pronarit të klubit, Nasser Al-Khelaïfi. Reagimi i zemëruar i lojtarëve të PSG, kanë ardhur pas deklaratave të Kylian Mbappe, në intervistën për France Football.
Nervozizmi i gjashtë futbollistëve parisienë, emrat e të cilëve nuk janë bërë publikë, ka lindur sidomos nga fjalët e Mbappé se "qëndrimi te PSG nuk ndihmon të fitosh". Rmc Sport në fakt është gjithnjë i informuar për cështjet që kanë të bëjnë me Paris Saint Germain. Prillin e kaluar ata zbuluan skandalin që çuan në ngritjen e aktakuzës nga prokurori i Monakos ndaj ish-trajnerit të parisienëve Christophe Galtier, për diskriminim të dyshuar racor dhe fetar kur ai drejtonte Monaco.
Lexo më tej: Mbappé i tërbon të gjithë te PSG: "Dua vetëm të fitoj, nuk më intereson fanella ose për kë luaj"
Sipas Rmc Sport, në mesin e gjashtë lojtarëve që kanë akuzuar Mbappé janë edhe dy blerje të reja të PSG. Në këtë pikë, shitja e Mbappe duket e sigurtë. Thyerja jo vetëm me Al Khelaifi, por edhe dhomat e zhveshjes, e bën të pakorigjueshme situatën.
