Shkaktoi polemika të shumta javën e kaluar refuzimi që kryeministri i Kosovës Albin Kurti i bëri kërkesës së kryeministrit të Shqipërisë, Edi Rama gjatë vizitës së tij në Prishtinë. Rama nuk e kapërdiu mirë këtë dhe në të gjitha takimet e tjera e shigjetoi Kurtin duke e konsideruar se “ka mbetur i vetëm” dhe e barkësoi me Goliathin që ka dalë kundër të gjithë të tjerëve.
Një tjetër deklaratë e Ramës që shkaktoi mjaft komente ishte edhe ajo për shpërbërjen e nismës “Ballkani i Hapur”. Vetë Kurti nuk ka bërë komente deri këtë të martë kur ka zgjdhur t’i përgjigjet kryeministrit Rama me ironi.
"Një pasdite e këndshme në Ballkonin e Hapur të Qeverisë, me Presidenten, Kryekuvendarin, zëvendëskryeministren Gërvalla dhe zëvendëskryeministrin Bislimi" - shkruan kreu i qeverisë së Kosovës, krahas fotos që ka hedhur në rrjetet e tij sociale. Në foto përveç Kurtit është edhe Vjosa Osmani, Glauk Konjufca, Donika Gërvalla dhe Besnik Bislimi. Këta konsiderohen edhe si njerëzit më të afërt dhe më të besuar të Kurtit.
Batuta e “Ballkonit të Hapur" është ashiqare ndaj kryeministrit Edi Rama që bëri çdo përpjekje për ta tërhequr Kosovën në këtë nismë, por nuk ia doli pas një kundërshtimi të fortë të qeverisë së Albin Kurtit. Përplasjet mes Ramës dhe Kurtit arritën kulmin pas anulimit të mbledhjes së përbashkët të dy qeverive në Gjakovë dhe më pas refuzimit të Kurtit për të pasur një takim me homologun e tij nga Shqipëria. ©LAPSI.al
