Gjermania ka konfirmuar përgatitjen e një pakete të re ndihme për Ukrainën me vlerë deri në 700 milionë euro, tha ministri i Mbrojtjes Boris Pistorius.
“Kjo është një tjetër paketë e madhe me vlerë gati 700 milionë euro. Ne jemi të bindur se do të mbështesim Ukrainën për aq kohë sa të jetë e nevojshme,” vuri në dukje ai, duke shtuar se kjo është e vetmja rrugë e drejtë.
Sipas Der Spiegel, paketa e re do të përfshijë sisteme të mbrojtjes ajrore, automjete luftarake të këmbësorisë, municione dhe dronë.
