Lista e dyqaneve të listuara në faqen e internetit Bulgari ngjall kritika nga Pekini dhe përdoruesit kinezë të internetit. Marka, në pronësi të grupit LVMH, përfundoi në pamjet e Kinës pasi renditi Tajvanin si një komb të vetin në listën e dyqaneve globale.
“Tajvani është pjesë e patjetërsueshme e territorit kinez dhe nuk mund të renditet si vend”, reagoi tabloidi i Partisë Komuniste Global Times.
Marka italiane, si dhe të famshmit kinezë që e përfaqësojnë atë si ambasadorë, janë bërë shpejt temat më të diskutuara në Weibo një platformë sociale kineze e ngjashme me Twitter, duke krijuar një stuhi polemikash. Përdoruesit kinezë madje kanë filluar t'u drejtohen ambasadorëve duke u kërkuar atyre të bojkotojnë markën. Incidenti bëri që Bulgari të kërkonte falje publike në platformën sociale, duke pranuar një gabim në menaxhim dhe duke deklaruar se respekton "sovranitetin dhe integritetin territorial të Kinës". Megjithatë, shumica e përdoruesve nuk duket se duan të dëgjojnë arsyen.
Bulgari nuk është marka e parë që përballet me zemërimin dhe polemikat e përdoruesve kinezë, lidhur me çështje territoriale apo patriotike. Në vitin 2019, Versace, Givenchy dhe Coach u vunë gjithashtu nën kritika nga përdoruesit kinezë të internetit për listimin e Tajvanit, Hong Kongut dhe Macau si vende të pavarura në faqet e tyre të internetit. Hong Kongu dhe Makao janë dy rajone të veçanta administrative kineze, ndërsa Tajvani, sipas Partisë Komuniste ishte një provincë rebele që duhet të jetë nën sundimin e Kinës, edhe nëse nuk e ka kontrolluar kurrë kombin.
LAPSI.AL
