Një 31-vjeçar nga Kosova është vënë në prangat e policisë së Gjirokastrës pasi është kapur me 14 emigrantë të paligjshëm në makinë.
Në kuadër të operacionit të koduar “Road Guard 67” është vënë në pranga një i ri nga Kosova i cili u kap në flagrancë nga shërbimet e Policisë, në qytetin e Përmetit, duke transportuar kundrejt pagesës, me automjetin tip “Mercedez Benz”, 14 emigrantë nga vendet MENA, që kishin si qëllim kalimin e paligjshëm të kufirit me vendet e BE-së.
Në kuadër të provës material është sekuestruar automjeti me të cilin transportoheshin emigrantët, një mjet prerës që u gjet në këtë automjet, një shumë parash dhe 1 aparat celular.
Materialet i kaluan Prokurorisë pranë Gjykatës së Shkallës së Parë Të Juridiksionit të Përgjithshëm Gjirokastër, për veprime të mëtejshme.
