Deputetja e Partisë Demokratike, Jorida Tabaku ka reaguar në lidhje me çështjen e inceneratorëve.
Përmes një postimi në rrjete sociale, Tabaku thotë se në dosjen hetimore për inceneratorët, vëren se afera u ka kushtuar shqiptarëve 430 milion euro.
Më tej Tabaku nënvizon se sot më shumë se kurrë nevoja e shqiptarëve është të bashkohen me opozitën.
Sipas Tabakut qytetarët duhet të bëhen bashkë për një të ardhme që ofron një betejë të vërtetë e të sinqertë kundër korrupsionit, kundër monopoleve, kundër oligarkisë e kundër shtetit të kapur.
