Gazetarja e Syri Tv, Ambrozia Meta, pyeti sot kryeministrin Edi Rama nëse ai ndiente ndonjë përgjegjësi si kreu i mazhorancës për disa skandale të kohëve të fundit. Meta i renditi rastin e Vangjush Dakos, Safet Gjicit, Rahman Rrajës e së fundi Arben Ahmetajt. I zënë ngushtë dhe në kushtet kur nuk i ka mbetur më asnjë justifikim për zullumet e njerëzve të tij, kryeministri dha një përgjigje pa përgjigje.
"Për të gjitha këto pyetje duhet të klikoni në faqen time në Fb dhe ti referoheni mesazhit që kisha për të gjithë shqiptarët", tha Rama.
Narrativa e Ramës për korrupsionin galopant dhe skandalet që plasin nga të gjitha anët është se kjo mbetet përgjegjësi personale dhe se ai s'ka dijeni për çfarë bëjnë pas krahëve njerëzit që ka zgjedhur vetë. Natyrisht kjo është thjesht sa për t'i hedhur hi syve njerëzve.
A mund të bësohet që dikush "të këpusë mollë e dardha pas krahëve" të Edi Ramës pa dijeninë e tij? Zor se ndodh dicka e tillë! ©LAPSI.al
