Disa ditë pasi parlamenti i dha autorizim për arrestimin e ish-zv.kryeministrit, SPAK i ka dorëzuar policisë urdhrin e arrestit për Arben Ahmetajn. Avokati i tij ka thënë se Ahmetaj gjendet në Britaninë e Madhe, ndërsa vetë Ahmetaj ka thënë se nuk mund të kthehet për arsye familjare. Fakti që SPAK ka siguruar urdhrin e arrestit nënkupton se arrestimi tashmë ka marrë miratimin e Gjykatës së Posaçme.
Ndaj ish zv.kryeministrit, SPAK ka ngritur akuzë për tre vepra penale. Ai akuzohet për korrupsion, fshehja apo mosdeklarim të pasurive dhe pastrim parash.
Mësohet se SPAK i ka kërkuar Policisë informacione rreth vendndodhjes së Ahmetajt. Ai pritet të shpallet së shpejti në kërkim ndërkombëtar. Ahmetaj akuzohet pë “shpërdorim detyre” dhe se ka përfituar fonde nga biznesmenët e inceneratorëve, Klodian Zoto dhe Mirel Mërtiri, ku si këmbim i ka favorizuar ata në biznesin e tyre.
