Khloé Kardashian kujtoi jetën para se të "ndryshonte" "look" e saj dhe tha se fotot e vjetra e bënin atë të dukej sikur "kishte veshur një kostum të trashë".
Bashkëthemeluesja e “Good American” u shpreh në episodin e fundit të “The Kardashians” se kishte patur pasiguri për peshën e saj. “Unë jam tallur në minutën që kam dalë në TV. Unë nuk dukesha si motrat e mia, kështu që nuk ishamjaft e mirë, "tha Khloé gjatë një rrëfimi. “Pastaj edhe pse ndryshova pamjen time, duke bërë grim më të mirë, mbushje si dhe një ndërhyrje në hundë, ka ende njerëz që më ngacmojnë vazhdimisht.”
Ndërsa kalonte kohë me Kourtney Kardashian dhe Kylie Jenner, Khloé" u tregoi atyre foto të vjetra dhe kritikoi peshën e saj edhe pse themeluesja e Lemme tha: "Nuk ke qenë aq e shëndetshme". "Epo, unë isha, por është okay," u përgjigj Khloé. "Është sikur kam veshur një kostum të trashë."
Ylli i reality zbuloi gjithashtu se ajo shkoi për një ndërhyrje në hundë për shkak të komenteve të mamasë së saj, Kris Jenner. "Kush e di nëse nuk do e dëgjoja mamanë të komentonte hundën time, mbase nuk do kisha menduar se kisha nevojë për një ndërhyrje të hundës,"zbuloi Kardashian.
Pas vitesh spekulimesh nga fansat për operacionin e saj plastik, ajo më në fund pranoi në ribashkimin e “Keeping Up With the Kardashians” në qershor 2021 se kishte shkuar për vetëm një rinoplastikë. "Të gjithë thonë: "Oh, zot, ajo ka bërë transplantin e tretë të fytyrës!" Por unë kam bërë një ndërhyrje në hundë."Ajo gjithashtu pranoi se kishte shkuar për "injeksione"./Lapsi.al
