Situata mes Feros dhe Arbenitës tashmë po ndiqet penalisht pas skandalit se kjo e fundit e akuzon reperin për dhunë.
Teksa vazhdimisht kanë bërë postime publike kundrejt njeri-tjetrit, duke adresuar çeshtjen në këndvështrimin e gjithësecilit, së fundmi ka reaguar edhe avokati i modeles.
Ai shprehet se kjo nuk është herë e parë që ndodhin situate dhune dhe për momentin, më e rëndësishmja është siguria e saj.
“Sipas Arbenitës ajo ka pësuar dhunë fizike dhe psikologjike. Kjo nuk është hera e parë. Ne i kemi dorëzuar në prokurori të gjitha provat. Arbenita ka kërkuar edhe një masë mbrojtëse. Nuk mund të jap më shumë detaje sepse prokuroria është në hetim të çështjes. Sidoqoftë ajo i ka ndarë rrugët me Feron, sipas saj.
Të gjitha hapat e nevojshëm për të realizuar këtë ndarje po i bëjmë gati. Tani në fokus është siguria e Arbenitës, pasi ajo ndihet e kërcënuar. Nuk është e vërtetë që vajza është molla e sherrit. Arbenita është dhunuar psikologjikisht dhe fizikisht, por jo për shkak të vajzës. Sipas saj ata kanë pasur probleme edhe më herët,”-tha avokati.
