Sali Berisha ka publikuar një audio-përgjim, marrë nga JOQ, që sipas tij dëshmon se si është dhunuar një vajzë bashkë me të ëmën e saj në Berat nga djali i një drejtori të PS-së, që rezulton të jetë i paprekshëm nga policia.
Në audio dëgjohen disa gra që bisedojnë, por më pas vjen një djalë që nis t'i shajë ndërsa ka qëlluar me shuplakë një prej tyre.
"Djali është i Koçi Ngofias, drejtor i konvikteve në Berat dhe eksponent i PS-së, ndërsa e ëma punon në këshillin e qarkut, policia nuk reagon se janë eksponentë të rilindjes", shkruhet në denoncimin e postuar në Facebook nga Berisha.
Postimi i plotë:
Ja si dhunon vajzën dhe nënën e saj djali i drejtorit! Policia e mbron!
? Lexoni mesazhin dhe dëgjoni regjistrimin e ngjarjes! #sb
Doktor, djali i drejtorit të konvikteve në Berat dhunon një vajzë dhe të ëmën.
Djali është i Koçi Ngofias, drejtor i konvikteve në Berat dhe eksponent i PS, ndërsa e ëma punon në Këshillin e Qarkut.
Policia nuk reagon se janë eksponentë të rilindjes. Policia është me banditët rilindas.
