Një grup kriminal që kryente vjedhje me armë dhe dhunë, në qytete të ndryshme të vendit është kapur nga policia. “Piketat" e hajdutëve në verë ishin vilat në Dhërmi dhe në Golem, Kavajë.
Ndërkohë mësohet se ky grup, në vitin 2022, ka kryer dhe tre vjedhje në banesa, në Dhërmi, Borsh e Himarë, ku ka marrë shuma të konsiderueshme vlerash monetare dhe sende me vlerë.
Para vjedhjeve, pjesëtarët e grupit kriminal shkatërronin kamerat e sigurisë, që të mos identifikoheshin. U sekuestruan një sasi e konsiderueshme parash, një automjet që autorët e përdornin për të lëvizur dhe veshjet e përdorura gjatë vjedhjeve.
