Nuk është hera e parë që Shein akuzohet për kopjim, por këtë herë kompania suedeze H&M ka ngritur padi kundër gjigantit kinez të modës. Siç zbulon portali “Bloomberg” dhe raporton “Independent”, H&M ka akuzuar Shein për shkelje të të drejtave të autorit. Dokumentet u depozituan në gjykatën e Hong Kongut nga kompania Hennes & Mauritz (e njohur si H&M) e cila akuzon shitësin kinez me pakicë Shein se ka kopjuar dizenjot e saj, duke sjellë si “provë” disa rroba banje dhe pulovra.
Një zëdhënës i H&M do të kishte rrëfyer për mediat:
“Ne besojmë se Shein ka shkelur projektet tona në disa raste dhe për këtë arsye kemi ngritur këtë padi. Duke qenë se është ende një rast në vazhdim, ne zgjedhim të mos komentojmë më tej.”
Aktakuza e H&M kundër Shein erdhi rreth dy javë pas një tjetër padie, gjithashtu kundër gjigantit kinez të modës së shpejtë, e cila u zhvillua në Kaliforni. Akuza, në fakt, do të ishte ajo e shkeljes së "Aktit të Organizatave të Ndikuara dhe të Korruptuara nga Raketat", (ose RICO), një ligj amerikan i vitit 1970 kundër krimit të organizuar, për prodhimin e tre kopjeve të sakta të dizajnit grafik me të drejtë autori.
