Janë të pakta informacionet se përse janë arrestuar policë, biznesmenë dhe prokurori i Kukësit, por si pjesë e operacionit SPAK ka shpallur sërish në kërkim Ervis Martinaj. Në fakt, Martinaj është zhdukur prej datës 9 Gusht të vitit të kaluar dhe ai është në kërkim që pas rrëfimit të Nuredin Dumanit. Por me operacionin e fundit, ai është shpallur në kërkim për herë të dytë.
Të arrestuar janë Pëllumb Gjoka, biznesmen i njohur për lidhjet që ka me botën e krimit në Shkodër, shoqëruesi i tij, Edmond Preka, prokurori i Kukësit Xhevahir Lita, ish shefi i Operacionales në polici, Oltion Bistri, ish kampioni i boksit, Astmir Bilali, Ardit Hasanbega ish polic në Shkodër dhe Berat.
